Ойн тухай хуульд заасан хавар, намрын хуурайшилтын цаг хугацаа буюу жил бүрийн 3 дугаар сарын 20-ны өдрөөс 6 дугаар сарын 10, 9 дүгээр сарын 20-ны өдрөөс 11 дүгээр сарын 10-ны өдрийн хооронд ой болон тал хээрийн бүсэд шаардлагагүй бол зорчихгүй байхад анхаарна уу. Ой, хээрт автомашинтай зорчихдоо автомашины доод яндангийн хэсэгт өвс их хэмжээгээр хуримтлагддагаас автомашин шатах, цаашлаад ой, хээрийн гал түймэр гарах шалтгаан болдог. Иймд аюулгүй байдлыг хангаж байнга сайтар шалгаж байгаарай. Иргэн таны буруутай үйл ажиллагаанаас гарсан гал түймрийн шалтгаан нөхцөл нь байгаль экологид учруулсан хохирлын хэмжээ хууль, шүүхийн байгууллагаас тогтоогдсон тохиолдолд хуулийн хариуцлага хүлээхийг анхаарна уу.                                     Цаг агаарын гамшигт болон аюулт үзэгдлийн урьдчилан сэргийлэх сэрэмжлүүлэг, мэдээ, дохиог хэвлэл мэдээллийн хэрэгсэл, мэдээллийн бусад эх сурвалжаас тогтмол хүлээн авч, бусдад дамжуулах, айл хотлоороо хамтран бэлтгэл байдлыг хангахад анхаарна уу. Аюулт үзэгдлийн үед өөрийн болон бусдын эрүүл мэнд, амь насыг хамгаалах, аврах, анхан шатны тусламж үзүүлэх мэдлэг, дадлагатай болоорой. Тэнгэрийн байдал, үүл, салхины чиг, мал амьтны хөдөлгөөн, араншинг шинжих гэх мэт цаг агаарыг таньж мэдэх ардын уламжлалт арга ухаанаас хүүхэд залуучуудад өвлүүлээрэй.                                    
ОТ САЙТ Дотор автобусны хуваарьОТ САЙТААС Гадуурх автобусны хуваарьНисэх буудлын буухиаKidsУБ Хайх
УБ-ОТОТ-УБДЗ-ОТОТ-ДЗ
Суух буудлаа сонгоно уу
Төрийн банкХан УулЦаг Уур
2024-12-24
Онгоцны мэдээлэлОнгоцны цагАвтобус хөдлөх цаг
CRJ20010:4009:25
CRJ20021:0019:45
CRJ20023:3022:15